Sternfahrt AVS - Turnoi di nani sot al Ciadenac
Mutons, jëuni y families à vivù ai piesc dl Ciadenac n di plën de juesc, natura y devertimënt : la Sternfahrt 2025 dla Lia da Mont de Südtirol (AVS) ie unida tenida defin tl sëni dl respet.
250 pitli y gran "nani" à azetà l nvit de Rë Laurin de jì sa mont y tò pert a juesc deberieda cun l Wuhnleger. Sun dut l troi y al travert fova njeniei ca 13 juesc ispirei dala lijënda dl Rë Laurin, cun inuemes de fantajia coche „Das Königliche Plumpsklo“, „Laurins verzauberter Teppich“ o „Rosenblüten Zielwurf“.
La scuadres à cris ora inuemes uriginei coche "die Maulwürfe“, "Schlernhexen“ o "Lausbuabmbande".
L à venciù i "Psairer Stinktiere" de San Linert (categoria di jëuni) y i "Nëus Granc y Pitli" de Gherdëina (categoria dla families).
"La Sternfahrt ie un di plu biei mumënc dl ann per nosta grupes de jëuni y de familia. L ie na ucajion per zelebré deberieda la natura, l juech y l respet", à spiegà Anna Bernard, respunsabla dl setëur Jëuni y Families dl AVS.
Ajache la manifestazion ie unida tenida tl Parch Naturel Scilier - Ciadenac, fovel nce n pont de nfurmazion sun l Parch cun ativiteies interatives sun la scunanza dl ambient.